სვუპი გთავაზობთ 15 ლარად, 25 ლარის ღირებულების ნობელიანტების კომპლექტს კომპანიისგან «ირიათონი».

 

ვერნერ ჰაიზენბერგი - მშვენიერება ჭეშმარიტების

დიდი გერმანელი ფიზიკოსის, კვანტურიმექანიკის ერთ-ერთი ფუძემდებლის, ნობელის პრემიის ლაურეატის ვერნერ ფონ ჰაიზენბერგის (1901-1976) ორიგინალური ესსეები, სადაც მეცნიერული აზრის სიღრმე ორგანულად ერწყმის სტილის სინატიფება და დახვეწილობას, არა მარტო დიდ ინტელექტუალურ სიამოვნებას განაცდევინებს, თანამედროვე ატომური ფიზიკის კარდინალურ პრობლემებზედაც გარკვეულ წარმოდგენას შეუქმნის გულისხმიერ მკითხველს.(თარგმანი ბაჩანა ბრეგვაძის.)

 

სემუელ ბეკეტი -გოდოს მოლოდინში

1969 წლის ნობელიანტის ცნობილი პიესის – "გოდოს მოლოდინში" პერსონაჟები თითქოს საპყრობილეში არიან მოთავსებულნი, ჩაფლულნი დროში, რომელიც არ იძვრის, დაკარგულები სამყაროში, რომელიც მათ არაფრად აგდებს. უაზრობაა წარსული, რადგან იგი დაკარგულია, გაუგებარია მომავალი, რადგან იგი შეუცნობელია, მათ შორის მომწყვდეული აწმყო კი წამიერი და მოსაწყენია. ყოველ დღე ერთი და იგივე მეორდება, არ არსებობს განსხვავება დღევანდელ დღესა და გუშინდელს შორის.

მაგრამ როგორც როჟერ ბლენი ამბობდა, შეცდომა იქნებოდა პიესის ტრაგიკულად აღქმა, რადგან მასში ირლანდიური იუმორია. ეს არ არის ცრემლების თეატრი, ეს არის დაუნდობელი, მაგრამ ადამიანური თეატრი.

,,გოდოს მოლოდინში" ფრანგულიდან თარგმნა თამილა ცინცაძემ. გარდა ამისა, წიგნში შესულია ნოველა "პირველი სიყვარული" (ფრანგულიდან თარგმნა ირინა ღოღობერიძემ) და პიესა "თამაშის დასასრული" (ფრანგულიდან თარგმნა გიორგი ეკიზაშვილმა).

წიგნს ერთვის მზია ბაქრაძის შესავალი წერილი.

 

ჯ. უოტსონი - ორმაგი  სპირალი

ამერიკელი ბიოქიმიკოსი ჯეიმზ დიუი უოტსონი დაიბადა ჩიკაგოში 1928 წელს. 1953 წელს ფრენსის კრიკთან ერთად შეიმუშავა დნმ-ს სივრცითი სტრუქტურის მოდელი (ე.წ. "ორმაგი სპირალი"), რომლის მეშვეობითაც შესაძლებელი გახდა მოლეკულაში კოდირებული გენეტიკური ინფორმაციის წაკითხვა. 1962 წელს ფრენსის კრიკთან და მორის უილკინსთან ერთად მიენიჭა ნობელის პრემია მედიცინისა და ფიზიოლოგიის დარგში. წიგნი "ორმაგის სპირალი" საინტერესოდ მოგვითხრობს ამ დიდი აღმოჩენის შესახებ.

 

ერნესტ ჰემინგუეი - იქ, მიჩიგანში

წიგნი გამოდის სერიით "ნობელის პრემიის ლაურეატები". ინგლისურიდან თარგმნეს ვახტანგ ჭელიძემ, ანა რატიანმა.

 

(გამომცემლობა ინტელექტი)