სვუპს კითხვის მოყვარულებისთვის საინტერესო შემოთავაზება აქვს, შეიძინეთ 1 ლარად 50%-მდე ფასდაკლების ვაუჩერი და მიიღეთ წიგნები დიდი ფასდაკლებით, კომპანიისგან «ირიათონი»

 

ფასდაკლების ვაუჩერი მოქმედებს შემდეგ წიგნებზე: 

 

ბერნარდ შოუ - პიგმალიონი  - 9.5 ლარის ნაცვლად ადგილზე გადაიხდით 5 ლარს 
1925 წლის ნობელიანტის, ბერნარდ შოუს "პიგმალიონი" ინგლისურიდან მოსე ქარჩავამ და იაკობ ტრიპოლსკიმ თარგმნეს. პიესა სამჯერ დაიდგა საქართველოში. პირველად 1955 წელს ლილი იოსელიანმა განახორციელა მარჯანიშვილის თეატრში, 80-იან წლებში – კოტე სურმავამ სოხუმის თეატრში. მესამე კი, აკა მორჩილაძისა და ლევან წულაძის მიერ ადაპტირებული ვარიანტი, 2008 წელს დაიდგა მარჯანიშვილის თეატრში და დღესაც რეპერტუარშია.  (გამომცემლობა ინტელექტი)

 

გაბრიელ გარსია მარკესი - მოთხრობები   8.95 ლარის ნაცვლად ადგილზე გადაიხდით 5.5 ლარს 
კოლუმბიელი მწერალი, ჟურნალისტი, გამომცემელი და პოლიტიკური აქტივისტი, ნობელის პრემიის ლაურეატი გაბრიელ გარსია მარკესი საყოველთაოდ მოიაზრება, როგორც ლიტერატურული სტილის, მაგიური რეალიზმი, წამყვანი ფიგურა და მიუხედავად იმისა, რომ მისი მწერლობა ამ სტილისთვის ემბლემურია, მისი კატეგორიზაცია მხოლოდ მასში შეუძლებელი იქნებოდა.
გამომცემლობა ინტელექტი გამოსცემს ნობელის პრემიის ლაურიატების სერიას, რომელშიც შესულია გაბრიელ გარსია მარკესის მოთხრობები.
ესპანურიდან თარგმნა თეა გვასალიამ.  (გამომცემლობა ინტელექტი)

 

ბორის პასტერნაკი - "ექიმი ჟივაგო"   12 ლარის ნაცვლად ადგილზე გადაიხდით 6 ლარს
ექიმი ჟივაგო — ბორის პასტერნაკის ყველაზე განთქმული რომანი. გამოიცა იტალიაში 1957 წელს. მის გამო პასტერნაკს მიენიჭა ნობელის პრემია ლიტერატურაში.
ნიჭიერი და პატიოსანი ინტელელექტუალის, ექიმი ჟივაგოს ცხოვრების ფონზე აღწერილია რუსეთში 1905 წლიდან 1920-იან წლებამდე მომხდარი კატაკლიზმები. რომანის პირველი წიგნი მოიცავს დროს 1903 წლიდან 1914 წლამდე. მეორე წიგნი კი სრულდება დიდი სამამულო ომით.
რუსულიდან თარგმნა ნოდარ ნონიაშვილმა.  (გამომცემლობა ინტელექტი)

 

უეინ რუნი - „ათი წელი პრემიერლიგაში“   17.9 ლარის ნაცვლად ადგილზე გადაიხდით 9 ლარს
„მანჩესტერ იუნაიტედისა“ და ინგლისის ნაკრების მოთამაშის, თანამედროვეობის ერთ - ერთი საუკეთესო ფეხბურთელის – უეინ რუნის ავტობიოგრაფიული წიგნი „ათი წელი პრემიერლიგაში“ ბევრ ისეთ კითხვაზე გაგვცემს პასუხს, რაც აქამდე უცნობი იყო.

უეინ რუნი მოგვითხრობს იმ გზაზე, რომელიც მან ლივერპულის ერთი ჩვეულებრივი უბნიდან მსოფლიო დონის ფეხბურთელობამდე განვლო. მოგვიყვება იმაზე, თუ რა ხდება „მანჩესტერ იუნაიტედის“ გასახდელში, როგორია სერ ალექს ფერგიუსონი ახლოდან და რა უთხრა მან ბიჭებს მოსკოვში „ჩელსისთან“ 2008 წელს გასამართი ჩემპიონთა ლიგის ფინალის წინ.

და ბევრი სხვაც – ცხოვრებისეული თუ საფეხბურთო ისტორიები, თანამედროვე ფეხბურთელების პორტრეტები და მთელი „მანჩესტერ იუნაიტედი“ – საწრთვნელი ბაზიდან დაუვიწყარი მატჩების ჩათვლით.

(გამომცემლობა არტანუჯი)

 

დევიდ ბექჰემი - „ჩემი მხრიდან“   17.9 ლარის ნაცვლად ადგილზე გადაიხდით 11 ლარს
დევიდ ბექჰემის ავტობიოგრაფიული წიგნი „ჩემი მხრიდან“ ცნობილი ფეხბურთელის ცხოვრების შესახებ მოგვითხრობს, ბავშვობიდან 2004 წლამდე. ბექჰემი გულახდილად ყვება, როგორც თავისი კარიერის, ასევე პირადი ცხოვრების, ოჯახის, მის გარშემო აგორებული სკანდალების, სირთულეებისა და გამართლებების შესახებ.

მკითხველი „მანჩესტერ იუნაიტედის“, „რეალ მადრიდის“ და ინგლისის ნაკრების შიდა სამზარეულოსაც გაეცნობა და გაიგებს, რა იდგა იმ საინტერესო და დაძაბული მატჩებისა და ეპიზოდების უკან, რომლებიც აქამდე ტელეეკრანზე უნახავს.

„ბექჰემი წინააღმდეგობრივი პიროვნებაა: პროფესიონალი 50-იანი წლების ეთიკით („იუნაიტედის“ ფეხბურთელებს შორის მას ყველაზე მაღალი შეფასება აქვს), თავდადებული შეყვარებული, რომელიც გუნდის თათბირის დროსაც კი არ თიშავს მობილურ ტელეფონს, რომ ცოლმა ნებისმიერ დროს შეძლოს მასთან დარეკვა (სწორედ ამიტომ მოისროლა ზემოთხსენებული ნივთი ფერგიუსონმა სანაგვე ყუთში), გუნდის ლიდერი და ლეგენდარული კაპიტანი, ოჯახით დაავადებული კაცი, აქსესუარებსა და ტანსაცმელზე გაგიჟებული, მოდას გოგოსავით აყოლილი ბიჭი, რომელიც თინეიჯერივით მალ-მალე იცვლის ვარცხნილობას, ზუსტი დარტყმების სპეციალისტი და კაშკაშა ვარსკვლავი. სწორედ ეს ხდის ბექჰემს საზოგადოებისთვის მუდმივად საინტერესოს“ – წერდა „გარდიანი“ წიგნის გამოსვლის შემდეგ.

„ჩემი მხრიდან“ თავის საქმეზე და ოჯახზე შეყვარებული ადამიანის წარმატებისა და ჩავარდნების, ბრძოლისა და მოთმინების ისტორიაა, ისტორია ლონდონელ ბიჭზე, რომელიც საკუთარმა ოცნებამ ვარსკვლავად აქცია.

(გამომცემლობა არტანუჯი)

 

ოლივერ კანი - "ნომერი პირველი"    10 ლარის ნაცვლად ადგილზე გადაიხდით 6 ლარს
"ყოველთვის მინდოდა, ნამდვილი ვყოფილიყავი, ადამიანებს ეთქვათ, ოლივერ კანი მოედანზე ცხოვრობს, თავისი სპორტი უყვარს, ყველაფერს აკეთებს წარმატებისათვის, შეცდომებსაც უშვებს, მაგრამ საოცარ რამეებსაც სჩადისო. "ტიტანს" მეძახიან, ასევე "კინგ კანს" ან "ვულ - კანს", მაგრამ მირჩევნია ვიყო უბრალოდ მეკარე, გოლკიპერი".

ეს არის ფრაგმენტი ოლივერ კანის ავტობიოგრაფიული წიგნიდან, სადაც გერმანიის ეროვნული ნაკრებისა და მიუნხენის "ბაიერნის" ლეგენდარული მეკარე მოგვითხრობს, თუ როგორ გადაწყვიტა კარში ჩადგომა, როგორ გახდა მსოფლიოს ერთ-ერთი საუკეთესო გოლკიპერი და რა ფიზიკური და სულიერი დატვირთვის ფონზე მოუწია ამ წარმატების მიღწევა.